TV-teamet er i ferd med å rigge opp til sending på Litlabø mottak.
- Annonse -

NRK sitt nye riksdekkande program «Norge Nå» sendte tysdag kveld direkte frå Stord og asylmottaket på Litlabø.

Mottaksleiar Håkon Frode Særsten fekk førespurnad frå NRK for to veker sidan om dei kunne tenke seg å vere med på kanalen sitt nye konsept, der dei drar rundt land og strand for å sende direkte-TV nært på vanlege folk.

– Eg går ut i frå at dei tenkte me er eit bra mottak som kan representere mottaksdrifta i Norge. Det har eg tru på, seier Særsten, som fortel at kontaktpersonen i NRK ikkje var klar over at mottaket skulle leggast ned nokre få månadar.

Særsten seier ungdommane på mottaket er spente på å kome på riksdekkande TV.

– I utgangspunktet er jo bebuarane glade i merksemd slik som alle vanlege ungdomar. Så eg trur ikkje dei veit heilt konsekvensane av det heller.

Programmet skal vere ein lett blanding av uformelle ting og alvor.

- Annonse -
- Annonse -

– Dei skal spele litt cricket i hallen, og så vil psykolog Atle Dyregrov kome for å snakke om traumar, som han er spesialist på. I tilegg kjem Gro Dregelid som er verge for nokre av ungdommane.

- Annonse -

– Skal du sjølv på TV?

– Nei, eg skal ikkje vere med på TV, eg skal berre tilretteleggje.

Det er ikkje første gong mottaket på Litlabø får nasjonal merksemd. Dagbladet har dei siste vekene laga tre reportasjar med ungdommane på mottaket.

Programmet Norge Nå startar kl. 20.25 på NRK1 eller i Nett-TV.

- Annonse -