- Annonse -
- Annonse -
- Annonse -

KLIKK FOR VIDEO: Midt på natta styrta flyet med ni danske statsborgarar rett før det skulle lande på Stord lufthamn.

12. oktober 1998 styrta eit dansk charterfly før det skulle lande, berre eit par hundre meter unna rullebanen på Sørstokken. Alle dei ni passasjerane om bord omkom.

Dei åtte flypassasjerane var arbeidarar frå selskapet Altek Isolasjon i Ålborg, og var på veg til Aker Stord der dei var leigd inn.

Årsaka til ulukka skulle vise menneskeleg svikt. Flyet gjekk tom for drivstoff i den eine tanken, og kapteinen hadde gløymt å svisje over frå den tomme til den fulle drivstofftanken. Dermed stansa flymotoren, og flyet styrta rett før landing på Stord lufthamn.

  • Sjå minidokumentar øvst i saka (video/redigering: Magne Langåker)

Flyet var i full brann før brannvesenet fekk sløkt flammane. Det tok fleire timar før dei identifiserte den niande omkomne.

Eitt år etter ulukka vart ei minnetavle avduka ved flyet, som er laga av Stord-kunstnar Jørund Fjøsne. Den har vore ei viktig samlingsstad for dei danske pårørande, som jamleg har teke turen til Stord for å minnast sine kjære.

Foto: Stord lufthamn
Flyplassjef Jan Morten Myklebust. Foto: Magne Langåker
- Annonse -
- Annonse -

Flyplassjef Jan Morten Myklebust har hatt mykje kontakt med dei danske familiane i løpet av dei 20 åra.

- Annonse -

– Me har hatt ei rekkje besøk av pårørande, spesielt dei første åra. Dei kom mange, og dei kom ofte. No i seinare tid har det jo vore litt mindre, men seinast i år så var et ei dame her frå København som mista broren sin i ulukka. Det er den familien eg har hatt mest kontakt med. Der har me ganske tette band.

– Eg var med då dei hadde ein fin minnestund i ein hangar på Flesland. Før me flaug dei ned til Ålborg med eit Hercules-fly. Det var veldig spesielt å vere passasjer og sitje på eit sete der, så har du ni likkister som last.

Men Myklebust var alt anna enn imponert over mottakinga dei avlidne fekk heime i Danmark.

– Så kom me ned til Danmark og forventa at no skal dei heim til sine. No er me ferdige med oss. Men det var ingen flagg på halv stang, ingen lufthamnsjef ved flyplassen. Dei pårørande hadde knapt fått beskjed om at flyet kom. Det einaste som venta var ni likbilar. Så det var veldig spesielt.

Myklebust var med på Hercules-flyginga som transporterte likkistene til Danmark. Foto: Stord lufthamn

Flyulukker på Stord:

  • I 1987 skjedde det ei ulukke med ein Beechcraft King Air B200 frå charter-flyselskapet Partnair, som var forlauparen til Air Stord. Flyet fekk knekt landingshjulet ved landinga, og sklei bortover rullebanen. Ingen vart skadd.
  • I 1998 omkom ni passasjerar då eit Cessna-fly styrta berre nokre hundre meter før rullebanen på Sørstokken. Alle passasjerane var danske arbeidarar som skulle jobbe på Aker Stord.
  • I 2006 omkom fire personar då eit Atlantic Airways-fly køyrde utanfor rullebanen, der det så tok full fyr. Flyet hadde 16 passasjerar om bord. Årsaka til ulukka var bremsesvikt og at flyet hadde for høg fart ved landing.
  • I 2012 kom propellen på eit småfly i kontakt med asfalten under landing. Flyet frå Stord flyklubb landa uheldig på rullebanen og skar ut mot sida. Propellen tok ned i rullebana og flyet blei ståande utanfor rullebanen. Dei to passasjerane kom uskadd frå det.

- Annonse -