Torunn Laurhammer (t.v.) ikkje berre bør stille, men stiller som ordførarkandidat for Ap på Bømlo. Her saman med Stord-politikar Lene Pilskog. Foto: Hordaland Ap
- Annonse -
- Annonse -
- Annonse -

Både Høgre og Arbeidarpartiet på Bømlo har nominert kvinnelege ordførarkandidatar. 

Torunn Laurhammer er langt frå ny i politikken, og er i dag gruppeleiar for Arbeidarpartiet i kommunestyret på Bømlo.

No er det klart at ho blir partiet sin ordførarkandidat, då Odd Harald Hovland gir seg og går tilbake til stillinga som lensmann på Stord.

Bømlo Ap skriv at Laurhammer fekk ros frå Hovland under nominasjonsmøtet.

– Under debatten om listeframlegget fekk ordførarkandidaten som i dag er gruppeleiar, særs gode skussmål frå sitjande ordførar Odd Harald Hovland.

– Leiarerfaring, samarbeidsevne, strategisk politisk teft og evna til å takle høgt arbeidspress var eigenskaper som vart trekt fram i skildringa av ordførarkandidaten, skriv Bømlo Ap.

- Annonse -

Dermed blir det to kvinner på topp i dei to størte partia på Bømlo. Høgre var tidleg ute og nominerte Espevær-kremmar Ragnfrid Sønstabø til sin ordførarkandidat.

– Ho er ei av desse som tilsynelatande får tid til alt, og alltid med godt humør og ein hyggeleg kommentar, sa Øyvind Halleraker, som er leiar i nominasjonskomiteen i Bømlo Høgre.

- Annonse -