Dette er fire av dei 19 spennande banda og artistane du kan få med deg under årets 100 Dagar: Vivillain (øvst tilvenstre), Mukti, Hilde Skaar og Jackbow. Foto: Pressefoto/UKM
- Annonse -
- Annonse -
- Annonse -

I helga brakar det laus med ein ny utgåve av årets 100 Dagar-festival på Stord.

Festivalen, som no har eksistert i over 10 år, spissar seg på nye, norske «up and coming»-band og artistar.

100 Dagar er dels ein bransjefestival for representantar for mange festivalar rundt om på Vestlandet som lurar på kva band dei skal booke. Men det er like mykje eit unikt høve for vanlege musikkinteresserte å få med seg nokre av dei mest spennande nye norske banda.

To Stord-artistar på plakaten

I år er det to Stord-artistar blant dei 19 artistane som er booka til festivalen. Mellom anna Hilde Skaar, som verkeleg har slått gjennom til eit stort publikum det siste året.

– Hilde Skaar sitt nye prosjekt slår det verkeleg gneister av og hiten frå i haust Higher Ground er berre ein smakebit på kva me har i vente frå popfyrverkeriet frå Stord. Me håpar de er like spente på som oss når ho kjem med fullt band og smell til på 100 Dagar, skriv festivalen på Facebook.

Stord-artist Vibeke Grov, som går under artistnamnet Mukti får også lovvord av festivalleiinga.

Jostein Sydnes er festivalsjef i 100 Dagar. Foto: Sydvest
- Annonse -
- Annonse -

– Med ein strålande sleppfest og eit album som viser ein sterk låtskrivar som tør å gå eigne vegar er MUKTI klar for å spreia musikken sin ut i verda.

– Kjempeartig å vise seg fram på Stord

Fleire av artistane som skal spele har allereie skaptmykje merksemd. Eit av dei er rockebandet Vivillain frå Laksevåg i Bergen. Bandet vann talentkonkurransen under FestiDalen i Kvinnherad i fjor.

– Det blir kjempeartig å vise seg frem på Stord. Dette er ein viktig festival, seier vokalisten i bandet Thomas Sixhøj Eide til Bygdanytt.

- Annonse -

Festivalsjefen på 100 Dagar, Jostein Sydnes, meiner dette er eit av høgdepunkta for årets festival.

– Vivillain er eit fantastisk liveband. Så mykje liv og røre. Eg tror stordabuen får ein flott oppleving, sier han.

– Eit band å følgje med på

Eit anna av festivalbanda som har merka seg ut den siste tida er rockebandet Jackbow frå Nordfjordeid. Førre helg fekk dei overrekt Blestprisen som Årets nykommar 2018. Dei fekk prisen etter ein konkurranse med tre andre band frå Sogn og Fjordane.

Juryen meiner bandet, som består av ungdomar i alderen 16-20 år imponerte stort under konserten på Blest-festivalen førre helg.

«Med tre sterke singlar og ein rekke gode konsertar i 2018 har Jackbow vist at dei kan levere live så vel som i studio. Dette er eit band å følgje med på i tida framover, og juryen er sikker på at Jackbow kjem til å dukke opp på ein rekkje festivalplakatar i 2019», heiter det i grunngjevinga frå juryen.

Her er oversikt over banda som skal spele i helga:

- Annonse -

- Annonse -
- Annonse -