Stord ungdomsskule. Foto: Kari Mendelejev von Svanberg.
- Annonse -

Like etter klokka 12 på søndag fekk politiet melding om at det har vore innbrot på Stord ungdomsskule.

– Me har fått melding om grovt tjuveri på Stord ungdomsskule. Det vart meldt i dag av skuleleiinga, fortel operasjonsleiar Kurt Løklingholm i Sørvest politidistrikt.

Politiet veit førebels ikkje noko om kva gjerningspersonane har eventuelt fått med seg.

På Twitter skriv politiet at fleire dørar skal ha blitt brotne opp, men at det er usikkert om noko er stole.

– Me veit ikkje kva tid dette har skjedd. Men det har nok skjedd i løpet av helga, seier Løklingholm litt seinare.

Politiet har føreteke åstadsundersøking og har sikra seg diverse spor.

- Annonse -
- Annonse -

Politiet veit førebels ikkje kva tid innbrotet skal ha skjedd. Det blei oppdaga av assisterande rektor ved skulen, Rune Nilsen, som var innom skulen i føremiddag.

- Annonse -

Innbrotet på ungdomsskulen kjem kort tid etter liknande hendingar på Stord dei siste vekene. I nyttårshelga vart det oppdaga innbrot og knuste ruter i Sæ barnehage og på Sunnhordland museum.

- Annonse -