Foto: Hovedredningssentralen/Stordnytt
- Annonse -

Det er 58 år gamle Tom Fagerland frå Stord som er sakna på sjøen mellom Askvoll og Stord. Redningsaksjonen er trappa veldig opp.

Hovudredningssentralen har laurdag sett inn kraftige ressursar i søket etter stordabuen som har vore sakna i over ei veke.

Til samen åtte fartøy, to fly og eit helikopter har i dag vore ute i søket.

– Me leiter med båter, helikopter og fly. Førebels står me utan resultat. Det er et stort og utfordrande område å leite i. I tillegg er det ein del vind, så me kan ikkje bruke dei minste båtane, seier redningsleiar Andreas Bull i Hovedredningssentralen til NRK.no.

To fly fra Norsk Aero Klubb i Bergen er sete inn i søket langs kysten. Det har vore søkt i Askvoll, Solund, Sognesjøen, Hjeltefjorden, Langenuen og Nyleia på vestsida av Stord.

Samtidig går politiet ut med namnet på den sakna stordabuen. Det er 58 år gamle Tom Fagerland.

- Annonse -

Fagerland er 58 år, ca. 178 cm høg, blå auge, raudt hår som dekker øyrane. Han har fleire tatoveringar på overkroppen, armane og henda. Han hadde på seg sixpence, fleirfarga skjorte, mørk jakke og svart dongeribukse då han drog frå Kalvåg.

Politiet ber om tips frå alle som meiner dei har sett han.

Fagerland er tidlegare skildra som sjøvand med lang erfaring som kaptein.

- Annonse -