Slik såg det ut på søppelstasjonen til Sunnhordland museum etter brannane på Ås. Foto: Jonas Sætre/Stord24
- Annonse -
- Annonse -
- Annonse -

Politiet har ikkje noko noko lenger i jakten på gjerningsmannen bak dei dramatiske brannane i bosdunkane i Ås-området.

Etterforskingsleiar Nils Blikra. Foto: Politiet

– Det er nok ingen utvikling i saka. Me har fått nokre tips men har ikkje funne nokon gjerningsperson, seier etterforskingsleiar Nils Blikra ved Stord lensmannskontor.

– Har de gjort nokre avhøyr i saka?

– Så langt har me ikkje hatt så mange å avhøyre, for å seie det mildt. Me har hatt folk ute og undersøkt åstadane, men me har ikkje så mange spor å gå ut frå der heller.

Blikra er likevel nøgd med at det ikkje har skjedd fleire brannar etter denne natta.

– Me håpar jo at dette var eit eingongstilfelle og at det ikkje gjentek seg. Men me vil ikkje avslutte etterforskinga før me har gjort alt me kan. Så me held framleis på å etterforske saka.

- Annonse -

Det var natt til tysdag denne veka at det blei sett fyr på fire forskjellige søppeldunkar i Ås-området ved Leirvik. Mellom anna brant det berre meter frå Sæ barnehage og Sunnhordland museum. Museumsdirektør Håvard Tvedte omtala hendinga som trist.

– Det er trist å kome til museet og sjå at noko sånt har skjedd. Me har jo bygd opp ein søppelstasjon som no er vekke, og me må bygge den opp på nytt. Me har andre ting å gjere.

- Annonse -