Akhtar Chaudhry i Vestland SV er svært kritisk til løningane det er lagt opp til i nye Vestland fylkeskommune. Foto: Hordaland Fylkeskommune/privat
- Annonse -
- Annonse -
- Annonse -

Det er lagt opp til at enkelte politikarar kan tene så mykje som ein stortingsrepresentant. Det får Akhtar Chaudhry (SV) til å reagere.

I samband med fylkesamanslåinga mellom Hordaland og Sogn og Fjordande er det lagt opp til større løningar enn det er i dag. Det skriv NRK Hordaland.

Fylkesordføraren skal ifølgje satsane få 1,3 millionar kroner i året, noko som svarer til ei statsrådsløn. I følgje statskanalen vil fleire andre politikarar også få ei årsløn på over ein million kroner.

Forslaget om lønssatsane skal opp i fellesnemnda torsdag 14. februar.

Stordabu og nestleiar i Vestland SV, Akhtar Chaudhry, reagerer sterkt på lønsnivået.

– Dette er eit godt døme på dårleg dømekraft!

- Annonse -

– Eg har alltid meint at fritidspolitikarar bør få ei grei godtgjersle slik at dei har tid nok til å setje seg inn i saker og gjere ein skikkeleg jobb, og for å møte veljarane. Men eg og SV har ein klar politikk på at politiske verv ikkje er noko ein skal bli rik av, seier Chaudhry til Stord24.

Han meiner lønsnivået som er føreslått, som grensar til kva stortingsrepresentantar får, er alt for mykje.

– Når toppolitikarar no ser ut til å belønne seg med stortingsløn, er det noko riv ruskande gale. Det viser stormannsgalskap og manglande dømekraft. Dette skjer samtidig med at byråkratiet skal slankast i dei nye fylka. Det rimer dårleg. Dette må stansast!

Fylkesordførar i Hordaland, Anne-Gine Hestetun, forsvarar løningane overfor NRK.

– Folk må ha ei anstendig løn for det arbeidet dei gjer, og ein må sikre at politikarane har tid til dei viktige oppgåvene som fylket skal gjennomføre, seier Hestetun.

- Annonse -