Trond Skulstad Nypan er nummer 3 frå venstre, og flaug 2,5 time på flyturen frå Stord. Foto: Hans Bakke
- Annonse -
- Annonse -
- Annonse -

Trond Skulstad Nypan frå Stord flyklubb flaug eins ærend frå Stord til svenskegrensa for å vere med på Norges einaste fly-inn-gudsteneste.

Rundt 20 fly kom inn for landing i helga, under Norges einaste «fly inn-gudsteneste», arrangert i Åsnes i Hedmark. Rundt 20 fly landa på isen på Vermundsjøen langt uti villmarka, berre nokre hundre meter frå svenskegrensa for å vere med på arrangementet.

Dei fleste av flya kom frå austlandet, men éin pilot utmerka seg. Trond Skulstad Nypan brukte 2,5 time over fjellet frå Stord for å delta på arrangementet, som etterkvart blitt ein årleg tradisjon for flyentusiastar.

Liten folkefest

– Me tok turen eins ærend frå Stord for å vere med på dette. Det var ein liten folkefest, med pølser og kaffi. Det var ein heilt fantastisk prest som også er pilot og småflyentusiast, seier Nypan.

Han fortel at arrangøren bak norges einaste fly-inn-gudsteneste høyrer til ein flyorganisasjon tilsvarande leger utan grenser, som flyr i konfliktområde. Flygarpresten fortel at dei hadde godt besøk på gudstenesta.

- Annonse -
Foto: Hans Bakke

– Me hadde håpa på fleire enn rundt 20 fly. Men 125 personar inne i kyrkja under gudstenesta er me godt nøgd med, seier flygarprest  Thomas Midtsund

Nypan fortel at dette med fly-inn-arrangement vert held over heile landet, også på ved Stord lufthamn, der flyentusiastar samlast for å møtast. Men å bruke Guds ord som trekkplaster er ikkje heilt vanleg.

– Me klarar oss fint med å trekkje folk med vaflar og kaffi, seier Nypan.

– Er det ein fordel med eit godt forhold til dei øvre maktane når ein skal ut og fly?

– Eg trur det er viktigare å stoler meir på egen kompetanse. Men samtidig så kan det jo ikkje skade, smiler Nypan.

 

- Annonse -