Fitjar Skulekorps på Før-Sotra-konserten fredag kveld. Foto: Kjetil Rydland.
- Annonse -
- Annonse -
- Annonse -

Fitjar Skulekorps gjorde reint bord på Sotrafestivalen i går, og kom heim med fanget fullt av pokalar.

Av: Kjetil Rydland, Fitjarposten

Det er ein gledesstrålande korpsdirigent, Svein Roger Koppang, me har på tråden i dag. Musikarane hans hausta pokalar, heider og ære i alle klassane dei stilte opp i på Sotra.

Det blei 1. og 2. plass i ensembleklasse 1, ni til elleve år. Her vann «To dråper vann» føre «Tut & Blås» på andreplassen. I ensembleklasse 2, 12 til 13 år, blei det 2. og 3. plass til Fitjar, ved«De tre musketerer» og«Fish & chips». «Brass Buddies» tok 1. plass i ensembleklasse 3 for 14 til 15 år. Og Sarah og Sebastian Koppang fekk ein delt 4. plass i solistklasse 1 for 9–11 år.

Skulekorpset henta heim vandrepokalen for ein overlegen siger i 2. divisjon brass. Dette var ein flott revansje etter resultatet i NM i år, seier ein glad Svein Roger Koppang i dag. Som kjent vart både musikantane og støtteapparatet noko forundra over plasseringa i NM i juni, der dei blei nummer tolv.

- Annonse -

I dag er det berre lutter glede i Fitjar Skulekorps, og ein strålande dirigent, Svein Roger «Svenna» Koppang, takkar musikantane:

- Annonse -
- Annonse -

– Dåke e´ helt fantastiske og eg e´ superglad i dåke alle saman!

Ensemblet Tut & blås med Ingeborg H. Sørfonn, Maren Rydland, Tord Brekke, Jon Fitjar Hjelle og Linnea Olsen Heggland. Foto: Kjetil Rydland.

- Annonse -