Hans Sande var ein av dei mange forfattarane som sto på Falturiltu-programmet i år. Foto: Falturiltu
- Annonse -
- Annonse -
- Annonse -

Over tusen fleire publikumarar løyste billett på årets Falturiltu-arrangement samanlikna med i fjor.

Etter ei veke spekka full med kulturarrangement kan arrangørane bak barnelitteraturfestivalen Falturiltu gjere opp rekneskapen.

Og i likeins med fjor så har det også i år blitt ny besøksrekord for festivalen på Stord.

– Me har telt opp publikum på dei nitti arrangementa som har blitt avvikla i festivalveka, og talet er 7038, over tusen fleire enn i 2017. Dette gir verkeleg energi til å gå i gang med planlegginga av neste års festival, seier Roald Kaldestad i Falturiltu.

Også talet på arrangement er ny rekord for festivalen. Ikkje minst har Falturiltu-festivalen utvida grensene for arrangementa.

– Falturiltu er også svært nøgde med, for første gong, å ha gjennomført arrangement i heile ti kommunar, alle dei sju sunnhordlandskommunane, pluss Austevoll, Os og Haugesund.

- Annonse -
- Annonse -

– Kva var høgrepunkta i årets festival?

- Annonse -

– Av høgdepunkt vil me trekkje fram bokbada på barne- , og ungdomsskulane, og kanskje spesielt intervjuet med Frode Grytten på Stord vidaregåande, med musikalske innslag frå musikklina, var magisk, seier Kaldestad.

– Ellers var dokketeateret om Himmelspringaren både morosamt og vakker, og klassikartimen på HVL, der Marit Kaldhol og Wenche Øyen diskuterte bildeboka Farvel, Rune saman med festivalforfattar Kari Stai.

Kaldestad opplyser at Stai hadde oppdrag i alle sunnhordlandskommunane.

– Ho sjarmerte alle med sin lune og fine formidlingsstil. For dei litt eldre blei nok meistermøtet mellom Come Shine, Jan Erik Vold og Einar Økland eit minne for livet.

Her kan du lese Stord24 si konsertmelding av storkonserten med Come Shine, Jan Erik Vold og Einar Økland.

- Annonse -
- Annonse -
- Annonse -