- Me har opplevd ei valdsam oppslutning. Det er mykje positivitet, folk seier "ja, dette vil me vere med på, dette er viktig for oss", fortel fungerande ordførar Jakob Bjelland (lengst bak). Her med Anne-Grete Sandtorv, Svein Olav B. Langåker og Jarle Henriksrud. Foto: Cassandra G. Jespersen/Stord24
- Annonse -

Du kan følgja Stord kommune sin klimasatsing «Avspark nullutslepp 2030» direkte frå klokka 18 på Stord24.

Noreg har sett som mål å redusere utsleppet av klimagassar med 50 til 55 prosent innan 2030, samanlikna med 1990-nivå. Stord kommune gjekk hausten 2019 endå lengre då dei vedtok å henge seg på Vestland fylkeskommune sine klimamål.

– No har me sett oss eit hårete mål om at Stord skal bli ein nullutsleppskommune innan 2030 og då held det ikkje berre at politikarane seier det. Heile samfunnet må involverast; alle må vere med og jobbe saman for å få det til, seier fungerande ordførar Jakob Bjelland (Sp).

I samband med satsinga går kommunen sitt eige klimaseminar «Avspark nullutslepp 2030» av stabelen onsdag kveld.

Du kan følgja sendinga direkte frå klokka 18.00:

I programmet får du sjå og høyra følgjande aktørar:

  • Spinae
  • Dag O. Hessen (forfattar av Verden på vippepunktet. Vinnar av to Brage-prisar i 2020)
  • Tore Furevik (oseanograf, professor ved universitetet i Bergen)
  • Ordførar og varaordførar i Stord
  • Fylkesordførar og varaordførar i Vestland
  • Representantar frå lokale frivillige organisasjonar og lokalt næringsliv.

- Annonse -
Forrige artikkelEin person i Kvinnherad er smitta av britisk mutantvirus
Neste artikkelFitjarbu tilsto promillekøyring i retten