August 2018 blir det mogleg å sjå stormusikalen Evita på Moster Amfi. Foto: Visit Sunnhordland/Bømlo teater
- Annonse -
- Annonse -
- Annonse -

For første gong blir Evita bli satt opp i fullversjon på ei utescene i Norge, og går inn i rekka av verdskjende musikalar som Bømlo Teater har framført.

Til neste år er det duka for ein ny stormusikal i Moster Amfi. I år er det Evita vil bli synt fram, går det fram i ei pressemelding frå Bømlo Teater tysdag.

– Eg er veldig stolt og glad for at me fekk høve til å setje opp Evita. Eg kjende på det i dag tidleg at det var noko som låg og bobla, så det har vore ei stor glede for teateret og meg personleg å lansere neste års storhending, fortel dagleg leiar i Bømlo teater, Øystein Kausrud.

– Vil kle amfiet godt

Bømlo Teater har gjort så langt framført Jesus Christ Superstar, Les Misérables, Chess, Miss Saigon og West Side Story i Moster Amfi, sistnemde i 2014. Kausrud er glad for å presentere ei ny stormusikal som ikkje har blitt framført utandørs før.

– Dette er ein musikal som ikkje har blitt gjort ute i Norge før, og det er ein musikal som gis oss høve til å bruke eit stort ensemble med mange lokale folk. I tillegg har musikalen fantastisk flott musikk, som mange kjenner til.

- Annonse -

– Me trur musikalen vil kle Moster Amfri veldig godt. Ramma og miljøet på Moster er jo fantastisk. Me får med oss ein god sceniograf som som vil hjelpe med å bygge ut scenen i amfiet.

Lokal forankring

Til hausten vil det bli arrangert audition til musikalen, og tradisjonen tru blir det satsa på mest mogleg lokale aktørar.

– Me ønskjer eit ensemble med stor lokal forankring, frå Haugelandet og Sunnhordland med unge håpefulle talent og andre som ønskjer å vere med. Me satsar på ei blanding av amatører og folk som er under utdanning innanfor faget. Evita gjer at me har høve til å ha eit aldersspenn, for musikalen skal jo speile eit heilt folk frå Argentina.

Musikaltradisjonen på Moster Amfi starta i 1999 med Jesus Christ Superstar. Sidan har det gått slag i slag med nokre års pause. Grunnen til at det no er fire år sidan førre musikal forklarar Kausrud med at det i fjor blei sett opp ei ny versjon av Mostraspelet.

– Me har hatt eit langt opphald no, og det har samanheng med at me hadde urpremiere på det nye Mostraspelet i fjor. Det er noko med ressursbruken, der det hovudsakleg er snakk om dugnadsbasert teater. Me skal jo ikkje knekke ryggen på folk heller.

- Annonse -