Styreleiar Geir Inge Solberg (t.v.) og bryggerimeister Øystein Huus har teke språk-kritikken til etterretning og lanserer eit nytt øl under namnet Ei Lito Øl. Foto: Jonas Sætre/Stord24/ELØ
- Annonse -

Ølbryggeriet på Fitjar relanserer seg sjølv som Ei Lito Øl i samband med lanseringa av eit nytt øl med lokalt tilhøyre.

Mange har kanskje stilt spørsmål med kvifor eit ølbryggeri på Fitjar har eit så lite Sunnhordlands-klingande namn som En Liten Øl.

No tek ølbryggeriet kritikken på alvor i samband med lanseringa av ein heilt ny øltype. ”Sunnhordland Premium Pilsner” vert lansert i morgon under merket ”Ei Lito Øl” frå småskala-bryggeriet på Fitjar, heiter det i ei pressemelding.

– Har registrert diskusjon

– Me har registrert ein viss diskusjon knytt til valet vårt av «En Liten Øl» som merkevare. Den nye pilsneren inngår i ein serie tema-øl, og her synest me at me kan vere litt lekne og nytte skikkeleg dialekt, opplyser  styreleiar Geir Inge Solberg.

For å lage den nye pilsneren har bryggerimeister Øystein Huus nytta mais, ved sidan av bygg ingredienser, og tilsett ulike amerikanske humlar. Og Fitjar-vatn.

- Annonse -

Fruktig øl

– Ølet er lett og lyst i fargen og resultatet, som blei tappa på Kråko denne veka er eit lettdrikkeleg og smaksrikt øl, med  mykje fruktig aroma av sitrus, mango og aprikos som vert avslutta med fin maltsødme, opplyser ølbryggeriet.

Fitjar sitt ferske ølbryggeri fekk i vår endeleg få i gang lokal produksjon, etter å ha produsert drikkevarene i Arendal sidan oppstarten i fjor. Dei held til i det nye Port Steingard-bygget i Kråko på Fitjar.

- Annonse -