Bebuarane kom seg ut og i tryggleik.
Klokka 14.26 tysdag melde brannvesenet om brann i ein einebustad i Tingvegen i Førde i Sveio.
– Huset er overtent, melder Sørvest politidistrikt.
Politiet forsikrar om at bebuarane er ute og i tryggleik. Årsaka til brannen er førebels ukjent.
– Mannskapa melder om at huset er heilt overtent. Det vert jobba med utvendig sløkking og avgrensing av skadane, seier vaktleiar Kenneth Heigre ved 110-sentralen i Sørvest politidistrikt til Haugesunds Avis.
Det var åtte bebuarar i huset, og alle er gjort greie for. Sveio kommune jobbar for å finne ein midlertidig stad å bu for dei involverte.
Brannmannskap frå Førde, Sveio og Stord driv med sløkking av brannen.
Einebustaden ligg midt i eit bustadfelt. Klokka 17.30 var brannen meldt sløkt.
