Einar Iversen (17) frå Stord. Foto: privat
- Annonse -

Det har vore snakk om det lenge, men no er det offisielt. Stordabuen har signert ein to-årig kontrakt med Everton FC.

Det stadfestar Iversen sjølv overfor TV 2. 16-åringen frå Stord flyttar allereie på laurdag, og har naturlegvis sommarfuglar i magen.

– Eg er veldig spent, men eg gler meg til å koma i gang, seier Iversen til Stord24.

– Kva gler du deg mest til med å flytte?

– Eg gler meg mest til å trene mykje og lære mykje både på og utanfor banen.

Iversen vart kjend med interessa frå klubben sidan april, og var denne helga på trening saman med Everton i Liverpool. I første omgang vert det aktuelt for han å spele på U18-laget til klubben.

- Annonse -

– Eg draumar jo om å leve av å spele fotball, og å spele i ein liga som Premier League. Dette er definitivt eit skritt i riktig retning, seier 16-åringen til TV2.

Ifølgje Sunnhordland er det venta at Stord IL, der Iversen kjem frå, vil motta pengar dersom han får debutere for A-laget til Everton.

– Kontrakten inneheld denne typen vilkår, ja. Meir konkret enn det ønskjer eg ikkje å vera, sa styremedlem i Stord IL Trond Eirik Samdal Nielsen til avisa.

- Annonse -