Foto: Kjetil Vasby Bruarøy, Midtsiden
- Annonse -

Ny aktivitet under årets Tysnesfest er dødsing, og fleire hundre tilskodarar samla seg i laurdag rundt veteranbåten MS Sunnhordland for å sjå første versjon av Døds Challange Tysnes.

Av: Kjetil Vasby Bruarøy, Midtsiden

– Eg er veldig glad for initiativet til Tysnesfest, og for måten dei gjennomførte det på. Vi deltakarar fekk akkurat det vi ba om, fasilitetane var unike, og det å få hoppa frå ein veteranbåt var verkeleg noko for seg sjølv, seier Arne Veim Haugland til Midtsiden.

Rampen som var bygd på MS Sunnhordland var 11-12 meter over vasskorpa!

Finland, Sverige og Spania var representerte, blant desse regjerande verdsmeister i kvinneklassen, Miriam Hamberg frå Sverige. Verdsmeister Emil Lybekk var sjuk og måtte stå over.

Men dei fleste av deltakarane er norske, og mange av dei er lokale våghalsar.

- Annonse -

I videoen under ser du dei fleste stupa – og alle finalestupa.

Finsk siger

I juryen sat ordførar i Tysnes, Kåre Martin Kleppe, Morten Lyssand Lunde og Prebz.

Finske Werner, som leia etter semifinalen, stupte sist og vann finalen.

Foto: Kjetil Vasby Brusrøy/Midtsiden

– Han har ikkje gode VM-resultat bak seg, men tok 2. plass i Stockholm, fortel Arne, som sjølv landa på 2. plass.

1. plass: Werner Grön (Finland)
2. plass: Arne Veim Haugland
3. plass: Andreas Hamberg (Sverige)
4. plass Andreas Olsen

– Vi deltakarar har snakka om det etterpå, dette er vi med på neste sommar òg, om Tysnesfest vil ha oss tilbake.

– Arrangementet og publikum var heilt fantastiske, synest Veim Haugland.

- Annonse -