Ole André Westerheim er godt kjend på Stord i rolla som Freddy Mercury.
- Annonse -
- Annonse -
- Annonse -

Eit breidt musikalsk tilbod står og ventar på deg denne helga, og for dei som kjenner seg sporty blir det ikkje mangel på fysiske utfordringar. 

Kulturhelga startar fredag kveld klokka 18 med familiekonsert med Sagvåg musikklag i konsertsalen på Stord vidaregåande skule. Dette er ein konsert med eit variert og underhaldande program som er tilpassa barnefamiliar. Musikklaget får med seg konferansier og tryllekunstnar Steinar Thelen. Dette blir ein magisk ettermiddag ein ikkje bør gå glipp av, skriv arrangøren.

Det blir god pubstemning på Osvald pub fredag kveld. Då skal duoen «Raititoern», som består av trubadurane Årstein og Remi spel opp til fest, dans og allsong frå klokka 22.

Queen-tribute

Laurdag kveld på Arena er det klart for Queen Tribute Show, med Ole André Westerheim i spissen, eller Stord sin eigen Freddy Mercury om du vil. Bandet består elles av Roald Kaldestad og Jostein Marø på gitar, Rudolf Fredly på bass, Alf Erik Fylkesnes på trommer og Kristoffer Tangen på keyboard. Dørane opnar klokka 20.

Søndag vert det releasekonsert med Britt Synnøve Johansen og Gjertruds Sigøynerorkester i Stord kyrkje. Gjertruds sigøynerorkester vert omtala som Norges mest kjente sigøynerorkester. Britt Synnøve Johansen er kanskje mest kjend for sine sterke og uttrykksfulle Edit Piaf-tolkningar. No har dei funne saman. Fra hver sin musikalske verden trekker de linjer mellom ulike sigøynermusikktradisjoner i Øst-Europa, via portugisisk fado til norske taterviser, skriv arrangøren.

- Annonse -

Me tek også med ein musikalsk godbit på Moster Amfi. Søndag kjem nemleg den kjende pianisten, komponisten og forfattaren Kjetil Bjørnstad til amfiet for ein intimkonsert. Ketil Bjørnstad har spelt inn meir enn 50 plater, og gitt ut om lag 30 bøker. Mest berømt er han for verket «Leve Patagonia» frå 1978, der både Cornelis Vreswijk og Lill Lindfors medverka. Derifrå kjem og hans mest kjende song, «Sommarnatt ved fjorden». Konserten startar kl. 17.

Liv i Stord-fjellet

Eit heilt nytt løp går av stabelen på laurdag. Inspirert av Stolzekleiven Opp i Bergen, vil friidrettsgruppa til Stord IL no arrangere Fossatrappo Opp, i dei flotte sherpa-trappane. Det vert intervallstart frå klokka 11, der ein vil starte med eitt minutts mellomrom. Start blir ved bommen i Heio og målgang på toppen av trappane.

For dei ekstra spreke turgåarane er det ingen unnskulding for å sitje inne søndag. Det er meldt strålande sol, og kva passar då betre enn å gå Stord på langs? Stord/Fitjar turlag inviterer til den 22 kilometer turen på om lag 7,5 time med start frå Heio kl. 9. Det blir returbuss frå Fitjar ved ankomst, og ein må hugse å ta med 100 kr. i busspengar.

- Annonse -