Laurdag er det premiere på sommarrevyane på Stord. På Fitjar kan du få med deg "Make Fitjar Great Again" kl. 20.
- Annonse -

Sommarrevyar, 8-Topptur, veteranbiltreff og Romstokk. Denne helga byr verkeleg på store opplevingar for både store og små. 

Med 20 plussgrader og strålande solskin frå vêrmeldinga, kunne ikkje årets sommarrevyar på Stord og Fitjar fått ein betre start. Laurdag er premieredagen for «Sommarrevyen på 4 hjul igjøno Leirvik». Åge G. Stokken, Sandra Spjelkavik, Tonje Holm Sandnes, Grim Moberg og Sigurd Sele er gjengen som i år skal få lattermuskulaturen i gang. På Fitjar er det mellom anna Ole Bergersen som har hovudrolla i revyen «Make Fitjar Great Again», som også har premiere laurdag.

Det blir liv og røre i sentrum laurdag formiddag, då Leirvik sentrumsforening inviterer til veteranbiltreff mellom kl. 10 og 14. Klokka 13 vert det miniauksjon på syklar og «diverse raritetar» ved auksjonarius Ståle Eskeland, før det vert premieutdeling for dei finaste veteranbilane.

Laurdag er det også duka for ny Romstokk-festival på Rommetveit. Festivalen vert arrangert av studentersamfunnet på Stord, og er ein minifestival inspirert av hippierørsla på 1960-talet. Artistane som skal opptre er Pauljam, Ruthless, Margrete og Ørjan, Yngve, Shuffle Baby, Nokså God Orden, Lydia, Forfall & Ossicles.

For dei friluftsinteresserte er søndag ein dag som byr på store turopplevingar. Stord-Fitjar turlag arrangerer den årlege toppturane i Stord-fjellet. Ein kan velje mellom 1-topptur over Steingjeldsheddo og Stovegolvet med start mellom kl. 10 og 12, eller 4-topptur og 8-topptur med start mellom kl. 8 og 10 om morgonen. Start og mål for alle turane er ved kraftstasjonen i Lundssæter. Påmelding på turlaget sine heimesider.

- Annonse -

For dei med små barn er det også eit bra turalternativ søndag. CISV arrangerer søndagsmoro med tur og aktivitetar for små og store langs Gerda-stien. Oppmøte ved parkeringsplassen ved Øvre Økland kl. 12.

- Annonse -
- Annonse -

Pushwagner-utstillinga i Stord kulturhus er framleis å sjå. Utstillinga er open frå kl. 12 fredag og laurdag, og frå kl. 14 søndag.

Det er også storfilmar å få med seg i helga. Storfilmen Pirates of the Caribbean: Salazar’s Revenge som nyleg hadde norgespremierevert vist heile seks gonger i løpet av helga. For heile kinoprogrammet sjå Stord kulturhus sine heimesider.

- Annonse -