Pushwagner-utstillinga er open fredag og laurdag frå kl. 12. Foto: Magne Langåker
- Annonse -

Pubkveld, friluftsgudsteneste, fjelltur og Pushwagner-utstilling er noko av det som står på programmet denne helga.

Laurdag vert det foreldre og barn-kafe i kjellaren på Stord kulturhus i regi av Interansjonal kulturklubb. Det vert aktiviteter for barn, og sosial hygge for foreldre. Kafeen vil halde ope frå kl. 14 til 16.

Laurdag kveld arrangerer ølbryggeriet på Fitjar, ELØ, pubkveld i den nye kafeen ved Port Steingard på Kråko. Arrangementet er åpent for alle, og det vil vere mogleg med omvisning i bryggeriet og servering av enkel snacks.

På søndag inviterer Stord kyrkje til friluftsgudsteneste i seminarhagen ved høgskulen på Rommetveit. Det vert ei enkel utegudsteneste med eit svingande band. Barn tek del. Ta med stol, og enkel mat og drikke til eit felles «koldtbord» etter gudstenesta. Etter gudstenesta vert det tid for mat og prat og ulike leikar/aktivitetar i den vakre hagen. Dersom dårleg ver vert vi i aulaen, melder sokneprest Eirik Aadland Tappel. Arrangementet startar kl. 11.

For dei friluftsinteresserte kan ein bli med Barnas turlag til Skårafjellsåto søndag. Oppmøte er ved parkeringsplassen på Heio kl. 10. Turen går opp via Sherpa-trappane, via Martebrotet og opp på Skårafjellsåto. Turen passar for barn som er litt vant med å gå tur  i fjellet, og tek om lag 4 timar. Hugs å ta med mat og drikke.

- Annonse -

Den ferske utstillinga til Pushwagner held ope fredag og laurdag, frå klokka 12 på føremiddagen. Sjå reportasje frå opninga her.

- Annonse -
- Annonse -

I helga kan du sjå følgjande filmar på Stord kino: Richard Storken, Alien: Covenant, King Arthur: Legend of the Sword, Guardians of the Galaxy vol. 2, DRIB, Bamse og heksens datter, og Danserinnen. Sjå meir på Stord kulturhus sine nettsider.

- Annonse -