Stord J8 koste seg på Handballfestivalen. Foto: Pernille Hatlevik
- Annonse -
- Annonse -
- Annonse -

For 29. året på rad vart Handballfestivalen på Stord arrangert og handballentusiastar frå alle kantar kjem for å delta både på banen og sidelinja.

Av: Pernille Hatlevik

I år hadde festivalen 405 påmeldte lag, og øya vår er denne helga mange tusen menneske rikare. Med meldingar om sommar-temperaturar og opplett heile helga, låg alt til rette for ei topp helg for både spelarar og tilskodarar.

Festivalen opna med tradisjonell parade frå Leirvik skule ned til Torget, noko som også i år trakk masse folk til gatene. Vaksne og born i alle aldrar var til stades då handballspelarar med godt humør og artige kostymar marsjerte gjennom sentrum. Folkehavet som var samla på torget for å høyre opningstalane var engasjerte og energinivået var høgt.

Kreative kostymer

I tradisjon tru vart laga oppfordra til å finne på morosame og kjekke ting i toget. Konkurransen om beste innslag var hard, og biletserien under viser nokre av innslaga i årets tog. (klikk på bileta for full størrelse)

Sjølv om handballfestivalen i stor grad dreier seg om handball, la Frode Kyvåg og vekt på samhald og den sosiale delen då han ønska velkommen under opninga. At stemninga er like viktig som konkurransen er det ingen tvil om når Stord J8 får bruke eit ord til å beskrive handballfestivalen.

- Annonse -
- Annonse -

Laget var einige om at «gøy» var det rette ordet å bruke, utanom ei som meinte at «supert» beskreiv festivalen enda betre. Jentene trekk fram at det beste med handballfestivalen er at de har det kjekt med kvarandre og at de får spele handball.

- Annonse -
Frode Kyvåg som handballdommar på Stord. Foto: Kjetil Rydland.

Vellukka start på helga

Festivalleiar Kjartan B. Grov er godt fornøyd med handballfestivalen så langt. Han trur at samhaldet og det gode humøret frå både spelarar og publikum, spelar ei stor rolle i handballfestivalens popularitet.

– Det har alt å seie for ein plass som Stord at me har handballfestivalen. Som Frode Kyvåg sa under opninga, er det humøret og stemninga som trekker folk.

Grov kan fortelje at laurdagen har gått veldig bra, og at det er ein drilla gjeng som står med ansvar. Sjølv om det er mange lag som tar del i festivalen, har verken innkvartering eller skader bydd på store problem så langt.

– Det blir jo alltid litt småskader med så mange lag, men me har veldig flinke helsepersonell på staden.

- Annonse -

- Annonse -
- Annonse -