Torill Selsvold Nyborg (t.h.) er KrF sin andrekandidat i Hordaland og deltok på Stord24 sin valkampdebatt på Arena førre veke. Foto: Kari Mendelejev von Svanberg
- Annonse -

LESARBREV: Det er heile Hordaland si interesse at vi klarar å få to kandidatar frå KrF inn på tinget, skriv Torbjørn Brosvik.

Det går mot eit særs spennande val. Målingane er så ulike at KrF stadig vippar mellom ein og to stortingskandidatar frå Hordaland. Dermed  er Torill Selsvold Nyborg inn og ut av Stortinget etter kva måling vi les. Knut Arild Hareide har eit direktemandat, Torill kjempar om eit utjamningsmandat.

Det må vera i heile Hordaland si interesse at vi klarar å syte for å få to kandidatar for KrF. Det kjem mange avgjerande saker for fylket opp i Stortinget i perioden som kjem.

Som dei fleste veit, har Torill lang erfaring innan politikken. Ho har vore aktiv i kommunepolitikken og har over 20 år i fylkespolitikken – i åtte av dei var ho fylkesordførar. Så Torill er gått skodd til å ta del i rikspolitikken.

Ho kjenner heile fylket vårt og er ein saksretta og resultatorientert politikar. Det gjeld i dei store sakene og det gjeld i saker der KrFs profil kjem til uttrykk.

- Annonse -

Valforskarar seier at kvar tiande veljar stemmer taktisk, og for folket i Hordaland vil det vere svært taktisk å få Torill inn på tinget.

- Annonse -
- Annonse -

Torbjørn Brosvik
Gruppeleiar i Stord KrF

- Annonse -