Stord jazzklubb har booka bandet Tazano til å spele fredag.
- Annonse -

Fredag kan du høyre eksotiske tonar frå Tanzania i jazzklubben på Stord.

Det byrja som eit forskingsprosjekt, då saksofonist Tor Yttredal og trommeslagar Stein Inge Brækhus gjennom sine stillingar ved jazzutdanninga på Universitetet i Stavanger gjorde eit djupdykk i afrikanske folkemusikktradisjonar.

Eit samarbeidsprosjekt vart starta med Bagamoyo College of Arts i Tanzania. Slik vart dei kjent med John Mponda og Anania Ngoriga, to av dei fremste musikarane i Tanzania.

– Det vart til eit fantastisk band som nyttar element frå desse tradisjonane i improvisasjon og eigne jazzkomposisjonar, opplyser leiar i Stord jazzklubb Olav Fjell.

Musikarane trefte kvarandre for første gong i Tanzania i 2008. Etter det har dei spelt saman nesten kvart år, med konsertar både i Tanzania og i Noreg.

- Annonse -

– Bandet har over alt fått varm mottaking og strålande kritikkar. Tanzania er eit land fattig på pengar men rikt på kultur. Det siste trur me vil bli prova til fulle under Stord jazzklubb sin konsert på Grand Hotell.

- Annonse -
- Annonse -

Til vanleg har Stord Jazzklubb konsertar på laurdagar, men denne gongen måtte det flyttast til fredagen fordi TAZANO skal vidare til Vossajazz dagen etter.

Det heile kan opplevast klokka 19 fredag kveld på Grand Hotell.

- Annonse -