Etter 10 år i tigerstaden gjekk reisa til Valevåg, som var som å kome heim, seier Agnes Ravatn. Foto: Heidi Eikremsvik
- Annonse -
- Annonse -
- Annonse -

Å ha budd mange år i storbyen var avgjerande for Agnes Ravatn for å kunne setje pris på livet på småbruket. No vil ho ikkje derifrå og likar ikkje å reise.

Agnes Ravatn opplever suksess for tida med dramatisering av bøkene hennar. Den første premieren er på Stord kulturhus 25. januar.

– Eg var litt overraska over at dei ville bruke «Verda er ein skandale» som utgangspunkt, for boka er udramatisk, slik eg ser det. Fragmentert.

– Kanskje er det tematikken? Kva som fekk oss til å bli?, spør Agnes Ravatn.

Skriv om ting folk bryr seg om

Ho har den gleda å få eit teaterstykke bygt opp rundt boka si som kom ut i 2017, dramatisert av Haugesund Teater. Siren Jørgensen, skodespelar og stordabu, har ei av rollene i «Verda er ein skandale».

– Kva er det du har gjort rett sidan ikkje mindre enn to av bøkene dine hamnar på teaterscenen i år?

- Annonse -
- Annonse -

– Eg har vel skrive om ting som folk bryr seg om då, får eg tru?

Vi møter Ravatn på kafe Opus på Heiane, sånn ca midt mellom Valevåg og Sørstokken. Ho fortel at når ho reiser hit, så møter ho som regel mange valevågarar, for Stord er nærliggjande for dei.

Ho skal til Oslo ein flytur, men har ikkje lyst. Ho likar ikkje å reise, ølenskvinna som har budd både i Bergen og Oslo nokre år, men fann så vegen til Valevåg i lag med sine næraste, etter livets spel med henne.

Første eventyret hennar var då ho som femtenåring flytta frå Ølen til Stord i 1999 for å gå på vidaregåande skule.

– Det var vidunderleg å kome til Stord

– Det var vidunderleg å kome til Stord. Eg likte meg så godt på øya at eg etter vidaregåande søkte meg til lærarskulen (Høgskulen på Vestlandet) og tok grunnfag i musikk og engelsk. Dermed hadde ho eit påskot for å vere to år til. Så gjekk turen vidare til Skrivekunstakademiet Hordaland i Bergen.

– Eg har alltid tenkt med pennen. Alt som femåring var eg bestemt på å bli forfattar. Eg likte å lese bøker og å skrive forteljingar. Eg er ingen «muntlig begavelse».

- Annonse -

Det kan diskuterast. Praten glir lett og ho er ein levande forteljar som byr på seg sjølv. Fint å å vere lyttar, merke hennar gløtt av humor innimellom, kjærleikserklæringar til Stord og refleksjonar og analyser rundt livet og dei krumspringa som hende henne og familien. Hendingar som ingen kunne ha gissa før det skjedde. Venskapet som oppsto med forfattaren Einar Økland og kona hans Liv Marit. Dei bur også på Valevåg, berre 200 meter unna.

Teaterframsyninga «Verda er ein skandale» har premiere på Stord 25. januar.

– Mange drøymer om å bu på landet

Vi gjer eit sprang frå dei fire åra hennar i Bergen til åra i Oslo, der ho og kjærasten Håvard Tvedte flytta ilag, og etter kvart vart foreldre til Jostein, som i dag er 4 år.

– Håvard jobba på Stortinget, og då det vart hans tur til pappapermisjon, gjorde vi alvor av ein draum vi hadde om å dra til småbruket som faren hans hadde budd, på Valevåg. Der skulle vi vere eit halvt år. Det hadde ikkje budd folk der på over 20 år. Då det var gått 2-3 månader hadde vi bestemt oss. Vi ville bli.

Agnes Ravatn skal sjølvsagt få med seg premieren i Stord kulturhus. Foto: Heidi Eikremsvik

– Eg trur mange i byen går og drøymer om å bu på landet, utan at dei vågar å ta spranget. Kanskje er det ein slags FOMO (fear of missing out) – uro for å gå glipp av noko?, spør ho seg sjølv.

– Eg likte meg der vi budde i Oslo, det var ikkje det, men ingenting kunne måle seg med boltreplassen me fekk på Valevåg. Eg kan ikkje med min beste vilje forstå kvifor ikkje fleire gjer som oss.

– Forresten så er «småbruk» eit av dei mest brukte søkeorda på Finn.no…

Ny teaterpremiere i februar

Så høyrer det også med til denne soga at endå ei bok av Ravatn hamnar på teaterscenen. Allereie 14. februar er det faktisk duka for ein ny premiere: «Operasjon sjølvdisiplin», ei bok som kom i 2014. Charlotte Frogner, også kjent frå mellom anna tvserien «Side om side», spelar ei av rollene her.

– Slikt er meir enn ein kan drøyme om. Eg må berre sitje stille i båten og ikkje røre nokon, ting, seier Ravatn.

Ho legg seg ikkje opp i regien. Har valt å halde seg langt unna.

- Annonse -