Prodigy regjerte på dei internasjonale hitlistene gjennom 90-talet. No kjem dei til vesle Tysnes. Foto: Wikimedia
- Annonse -

– Å booka The Prodigy er kanskje noko av det råaste me har gjort hittil i Tysnesfest si historie, seier festivalsjefen.

Så og seie alle som er vaksen opp på 90-talet kjenner til The Prodigy. Bandet vert rekna som pionerar innan elektronisk danse music, midt under den heftigaste rave-epoken.

No kjem dei til vesle Tysnes og Tysnesfest, som den einaste festivalen dei skal spele på i Norge i 2018.

– Å booke The Prodigy er kanskje noko av det råaste me har gjort hittil i Tysnesfest si historie, men me er sikre på at både dagens ungdom, og kanskje ikkje minst dei som var ungdom på nittitalet vil gå mann av huse for å skaffa seg billettar, seier festivalsjef Øystein Vaage.

Festivalsjefen framhevear spesielt lyd- og lysproduksjonen til bandet som noko heilt spesielt.

– The Prodigy er absolutt noko av det feitaste ein kan oppleva, og lyd- og lysproduksjonen blir den heftigaste me har sett på Tysnesfest hittil. Fleire musikkmagasin har bandet på topplistene over band ein må få med seg live før ein døyr.

- Annonse -

Saman med The Chemical Brothers og Fatboy Slim var The Prodigy eit av dei mest trendsettande banda på 90-talet med si særeigne miks av punk og tekno. 

Britanes tekstar vart mange stader sett på som støytande, og videoen til «Firestarter» ble nekta vist tidlig på kveldane. Same skjebne fekk «Smack my bitch up». Dei fleste radiostasjonane nekta å spele låten. 

The Prodigy speler på Gjerstad Arena fredag 13. juli.

- Annonse -