Knut Arild Hareide tek over sjefsstolen i Norges Rederiforbund. Det melder E24.
Lang erfaring
No går han frå jobben i sjøfartsdirektoratet. Han overtek etter Harald Solberg, som går til Norsk Industri.
– Eg gler meg til spennande utfordringar i Rederiforbundet. Skipsfarten skapar verdiar og arbeidsplassar langs heile kysten.
– Eg kjennar næringa godt frå jobben som Sjøfartsdirektør, og ser fram til å bidra i ei framoverlent og omstillingsdyktig næring, seier Hareide til avisa.
Trakk seg
Hareide leia KrF frå 2011 til 2019 og har lang erfaring både frå kommunepolitikken og rikspolitikken. Han er utdanna siviløkonom frå Noregs Handelshøyskole. Han var klima- og miljøminister i Kjell Magne Bondeviks (KrF) andre regjering, og samferdselsminister i Erna Solbergs (H) regjering.
Han trakk seg som leiar i 2019. Det skjedde etter at han ønskte å søkje samarbeid med venstresida, noko fleirtalet av partiet hans avviste.