Illustrasjonsfoto: Daniel DeNiazi
- Annonse -

Ei kvinne i 20-åra køyrde ruspåverka over Stord i nesten ein halvtime før politiet til slutt fekk stansa ho.

Like etter midnatt fekk politiet melding om ein bil som vingla i køyrebanen på E39. Ved fleire høve var bilen over i motgåande køyrefelt.

Ein patrulje frå Stord-politiet la så ut på ein biljakt. Det enda med ein situasjon at bilføraren køyrde inn i ein politibil i låg hastigheit på E39 nord på Stord-øya.

Køyrde ein halv time

Det vart ingen personskadar i samanstøyten, og begge bilane fekk mindre materielle skader.

– Meldinga kom inn rett over midnatt. Det var ved Bømlafjordtunnelen i retning Stord. Så blir ho stansa ca. fem på halv ett. Då har ho køyrt i ein halvtime etter meldinga kom, seier operasjonsleiar Irene Raghildstveit i Sørvest politidistrikt.

Føraren av bilen var ei kvinne i 20-åra. Ho hadde ikkje gyldig førarkort, og framsto som ruspåverka, opplyser politiet.

- Annonse -
- Annonse -

I tillegg hadde ho stole bilen som ho køyrde.

– Den som eig bilen har adresse i Haugesund, men eg har ikkje opplysningar om kvar bilen vart stelt, seier operasjonsleiaren.

Haugesund Avis skriv måndag at det er teatersjef Morten Joachim ved Haugesund Teater som er eigar av bilen.

- Annonse -

Dramatisk

Kvinna blei framstilt på legevakten for blodprøve av politiet, og blei deretter frakta i arresten.

– Ho skal avhøyrast i løpet av førmiddagen, seier jourhavande jurist Åshild Ravndal i Sørvest politidistirikt.

Politiet skildrar aksjonen som dramatisk, og indikerer at kollisjonen var eit ledd i å få stansa bilen.

– Dei har nok tenkt at det var dramatisk i natt då dei tok beslutningane som dei tok. Dei har nok vurdert det slik at dei bør få stansa denne bilen, og har brukt verkemidlar for å få stansa bilen.

- Annonse -
- Annonse -
- Annonse -